I dag til tidleg vart kommunehusets tilsette og dei som kjørte gjennom Bø-gata, møtt av ei skumlagt fontene på Bø torg. Russen hadde signera rabatten mot gata. Der sto det: "Sorry for party rock. Russ 2012".
Vi takkar for orsakinga, men arbeid med oppryddinga etterpå og ei pumpe som har gått fløyten, gjer at det nok ikkje er tilstrekkeleg.

Bø torg har fått ny, fin flaggstong. Montert i dag, 16.mai, og blir innvigd på nasjonaldagen!

Plankontoret Hallvard Homme AS varslar på vegne av Midt-Telemark Entreprenør AS at det vert det sett igang reguleringsendring av området B7 og B8 i Breisås syd. For meir informasjon sjå annonse.

Plankontoret Hallvard Homme AS varsler på vegne av Arntzen og Hynne Eiendom AS at det vert sett i gang regulering av eigedomen Gymnasbakken 11. Føremålet med planarbeidet er å legge til rette for leilighetsbygg og køyretilkomst til eigedomen. Frist for merknader er 31.5.12.

Forslag til reguleringsplan for Sigmundstadgården er ute til offentleg ettersyn med frist for uttale 24.5.12. Formålet med planarbeidet er å legge til rette for utviding av eksisterande forretningsbygg langs Folkestadvegen med areal til forretning, kontor og parkering.

I medhald av plan- og bygningslova §12-10 har hovudutval for plan, teknikk og næring i møte 28.02.12, sak 034/12 vedtatt å legge detaljplan for Autohuset Bø AS ut til offentleg ettersyn.

Programmet for Bøker i Bø 4-5 mai er nå ute, og det er svært gledeleg å kunne presentere eit sterkt forfattarlag toppa med dei to ferske prisvinnarane Merethe Lindstrøm, vinnar av Nordisk Råds Litteraturpris, og Lina Undrum Mariussen som nyleg blei tildelt Tarjei Vesaas Debutantpris. 

På plakaten dette første året finn du også m.a. Dag Solstad, Øivind Hånes, Anne Oterholm, Marita Fossum, Mona Høvring, Hanne Ørstavik, Ingrid Z. Aanestad, Inger N. Bråtveit, Chenjerai Hove, Agnes Ravatn, Audun Vinger, Leif Høghaug, Vidar Sundstøl, Marta Norheim, Aina Villanger, Bjørn Esben Almås, Bård Torgersen, årets forfattarstudentar og Telemark strykekvartett.